بدايتي في التصوير كانت فاشله جدا ًوجدا ً
لمن لقيت في منتدى الاقلاع دورة في تصوير الضوئي ..
أغلب اللي حولي كانوا يقولون مراح تفيدك لأن التصوير يبيله ميداني
لكني سجلت ..
صحيح ماكان فيه ميداني
وكان الصف فيه تسيب واجد .. البروفسورين يلاحقون الطلاب ملاحق
لكن أنا كنت شاطره << بالحيل
كنت قبل الدورة فاشله × فاشله وطلعت منها نص ونص

لكن من جد الله يعطيهم العافيه ماقصروا معناالدكاتره و عطونا أساسيات التصوير وكان هذا أهم شي

ومع الممارسة والأيام ان شاء الله أتحسن أكثر وأكثر

شكرا ً اقلاع الضوئي


----

الرسم ..

مسكت قلم الرصاص وأنا ما أعرف وشلون أرسم الورده .. وللحين ما أعرف ارسمها
لكن صرت أرسم أشياء أصعب من الورده !!

في الرسم أنا اللي طورت نفسي ..
ذاك اليوم شفت نفسي فاضيه وفتحت النت وبحثت عن الأساسيات
طبعا أساسيات الأدوات اللي أنت تستخدمها .. سواء رصاص , ألوان مائة , زيتيه .. الخ لأن كل شي له أساس
وبعد ما أتقنت الرصاص جبت لي رسمه وطبقت مثلها
وشوي شوي .. صرت أعرف أرسم بورتريه
وأعرف أرسم طبيعة بالزيتي وأعرف وأعرف

-

كل اللي أبيه ان الشخص اذا اكتشف في نفسه موهبه يطورها لو بنفسه حتى وان مالاقى اي تشجيع او تحفيز من اللي حواليه

بالتصوير كنت فاشله طبعا .. وأشوف تصوير فنانين وأتحطم .. وأحيانا أترك التصوير من شدة التحطم

ونفس الشي بالرسم ..

طبعا هذي قدرات وكل واحد وقدرته .. لا تشوف رسم فنانين شوف اللي على قدك

وتقدر تنافس أشخاص من دون مايدرون ..
اذا شفت لوحة لأي شخص .. أنت ارسم لك لوحة تقريبا نفس مجال هالشخص
وبعدين قارن مين أحلى .. وبكذا راح تتطور بسرعه

طبعا لاتقارن نفسك بمبتدئين وتطلع عضلاتك عليهم
حاول تختار ناس متمكنين أكثر منك بشوي عشان تقدر تطور نفسك

وبس

و حياكم الله